فيه نوع من القادة الناس تحبه جدًا

أي مشكلة تجيه… يحلها

عميل زعلان؟ يدخل موظف متعطل؟ يتدخل رقم نازل؟ يعطي الحل الفريق محتار؟ يقول لهم ايش يسووا

ومع الوقت يصير معروف داخل الشركة:

“إذا تعقد الموضوع… روح له”

شكلها قيادة قوية

لكن فيها فخ !


الفخ: كل مشكلة تنتهي عندك

لأنك كل مرة تحل المشكلة بنفسك، أنت ممكن تكون حليت المشكلة فعلًا…

لكن ما بنيت الشخص اللي قدامك

وهنا الفرق بين قائد يحل المشاكل​

وقائد يبني ناس يعرفوا يحلوا المشاكل

واحد من الرؤساء التنفيذيين اللي اشتغلت معهم لاحظ الفرق لما بدأ يوقف إعطاء الإجابة الجاهزة ويرجع السؤال للفريق:

“انت ايش تشوف؟”

“لو أنت مكاني، ايش حتعمل؟”

ومع الوقت الفريق بدأ يفكر أكثر، ويتحمل مسؤولية أكبر، وأحيانًا يطلع بحلول أفضل من الحل اللي كان هو نفسه حيعطيه.


بدل ما تعطي الحل… ابنِ طريقة التفكير

طبعًا فيه مشاكل لازم تدخل فيها مباشرة

أزمة مخاطر كبيرة عميل استراتيجي قرار لا يحتمل التجربة

لكن في معظم المشاكل اليومية، جرب بدل ما تعطي الحل فورًا، اسأل 4 أسئلة:

بس

أنت هنا ما قاعد تهرب من مسؤوليتك

أنت قاعد تنقل ملكية المشكلة للشخص اللي المفروض يتعلم يشيلها

وهذا فرق مهم جدًا

لأن الشركات ما تتطور فقط لما تحل مشاكل أكثر

تتطور لما يصير عندها ناس أكثر قادرين على حل مشاكل أصعب


الاختبار الحقيقي للقائد التنفيذي

وهذا أحد الأشياء اللي أشوفها تفرق فعلًا بين المدير والقائد التنفيذي

المدير الممتاز ممكن يكون أسرع واحد في الحل

لكن القائد التنفيذي الحقيقي يبني حوله ناس تقدر تفكر، تحلل، وتتصرف بدون ما تنتظر منه الإجابة

فالمرة الجاية أحد يدخل عليك ويقول:

“عندنا مشكلة”

قبل ما تجاوبه…

اسأله:

“وأنت ايش تشوف الحل؟”

يمكن تكون هذه الجملة البسيطة بداية بناء قائد جديد داخل شركتك

رجائي باحاج #رجائي_كوتش_التنفيذيين